Trajneri i Barcelonës, Xavi Hernandez, mendon se Real Madridi është skuadra më në formë në Spanjë përpara takimit të tyre gjysmë-final të Superkupës së Spanjës që zhvillohet të mërkurën.
Katalanasit kanë luftuar këtë sezon për të gjetur formën, ndërsa Los Blancos po fluturojnë në La Liga.
Xavi ka thënë se i pret një sfidë të vështirë në Riad, duke dhënë vlerësime të larta për kundërshtarin.
“Unë shoh një [skuadër] të Barcelonës në ndërtim dhe një [skuadër] e Real Madridit në një formë shumë të mirë, por kjo nuk do të thotë asgjë”.
Xavi says this #ElClásico could be a turning point for the team: pic.twitter.com/YAU63PMsH0
— FC Barcelona (@FCBarcelona) January 11, 2022
“Ne jemi përballur me ta në të gjitha situatat. Nuk do të jetë e lehtë të imponojmë lojën tonë sepse ata janë skuadra më në formë në Spanjë”, deklaroi ai.
Xavi ka parë një përmirësim që kur mori drejtimin e Barcelonës dhe këtë e ka thënë.
“Unë shoh gjëra të mira në ekip. Duhet të jemi autokritikë, po, por unë shoh gjëra të mira”.
“Në aspekte të tjera jemi mirë. Duhet të vazhdojmë ndërtimin e këtij projekti. Nesër është një test i mirë për të ditur se ku jemi”.
Pedri & Ferran 🛬 pic.twitter.com/2uKoiG2EmE
— FC Barcelona (@FCBarcelona) January 11, 2022
“Lojtarët si Pedri, Ferran [Torres] dhe [Ronald] Araujo janë të rëndësishëm për ekipin dhe unë jam i lumtur që ata janë kthyer”, konfirmoi Xavi. /Telegrafi/