Xavi publikon listën për ndeshjen kthyese ndaj Man Utd, Barcelona me tri mungesa të mëdha

Barcelona e Xavit do t’i ketë tri mungesa të mëdha në ndeshjen kthyese të Ligës së Evropës ndaj Manchester Unitedit të enjten mbrëma.

Katalunasit udhëtojnë drejt Anglisë për t’u përballur me Djajtë e Kuq në Old Trafford për ndeshjen e dytë të vlefshme për fazën e 1/16-tës.

Ndeshja e parë e zhvilluar në Camp Nou u mbyll me barazim 2-2 dhe ekipi i Xavit do ta ketë shumë të vështirë kalimin tutje ndaj ekipit në formë të Erik ten Hag.

Vështirësitë shtohen edhe më shumë, pasi Blaugranët do të kenë mungesa të mëdha dhe këtë e ka konfirmuar lista e publikuar nga Xavi me lojtarët e ftuar për ndeshjen ndaj Unitedit.

Dyshja e mesfushorëve Pedri dhe Gavi, si dhe sulmuesi Ousmane Dembele do të mungojnë të gjithë dhe kjo do të shkaktojnë kokë-dhimbje për Xavin, pasi që të tre janë titullarë të padiskutueshëm.

Megjithatë, Xavi do të ketë gjithë besimin tek ekipi i tij pasi nuk mungojnë yje tjera si Marc-Andre Ter Stegen, Ronald Araujo, Frenkie de Jong dhe Robert Lewandowski. /Telegrafi/