Trajneri i Barcelonës , Xavi ka paralajmëruar lojtarët e tij se Interi ‘punon mirë në mbrojtje dhe fizikisht’ dhe beson se katalanasit duhet të jenë më efektivë në sulm për të mposhtur Nerazzurrët sonte (e mërkurë).
Interi dhe Barcelona takohen në Nou Camp në orën 21:00 në një ndeshje vendimtare të fazës së grupeve të Ligës së Kampionëve.
Nerazzurrët fituan 1-0 në Giuseppe Meazza javën e kaluar dhe Xavi pret një reagim nga lojtarët e tij sonte.
What to watch on Wednesday#BarçaInterhttps://t.co/TZ2Q1p9BvP
— FC Barcelona (@FCBarcelona) October 12, 2022
“Është një situatë e pakëndshme sepse ne nuk fituam në Mynih dhe Milano, kështu që ne kemi urgjencën për të fituar”, ka thënë fillimisht Xavi për Prime Video Italia.
“Ne e përballojmë këtë lojë me një mentalitet pozitiv dhe dëshirë për të marrë tre pikë”.
🎙 Xavi looking for Barça to have a "magic night"#BarçaInter pic.twitter.com/AoljXcCsMI
— FC Barcelona (@FCBarcelona) October 12, 2022
“Ne mund ta fitojmë këtë lojë me ndihmën e tifozëve tanë. Duam të bëjmë një paraqitje të shkëlqyer kundër një skuadre të mirë të Interit”.
“Ata punojnë shumë në mbrojtje dhe fizikisht, por ne do të përpiqemi të imponojmë lojën tonë dhe të sulmojmë pak më mirë, siç bëmë në 20-30 minutat e fundit në Milano”, përfundoi trajneri i Barcelonës. /Telegrafi/