Ndeshjen e parë si trajner i Barcelonës, Xavi pritet ta luajnë pa dyshen Ousmane Dembele dhe Pedri.
Xavi u konfirmua si trajneri i ri i Barcelonës në fillim të këtij muaji pas shkarkimit të holandezit Ronald Koeman.
Trajneri 41-vjeçar do të fillojë rrugëtimin e tij në Barcelonë kundër rivalëve të qytetit Espanyol në La Liga.
Megjithatë, para se të merrte drejtimin e ndeshjes së tij të parë, Xavi është goditur nga dëmtime. Dyshja sulmuese Ousmane Dembele dhe Pedri janë ende duke u rikuperuar nga lëndimet e tyre afatgjata dhe nuk janë në gjendje të paraqiten në fundjavë, sipas SPORT.
🚨🚨[Lluis Miguelsanz-SPORT] | Pedri and Ousman Dembele won't be available for Xavi's first game as the Blaugrana coach in the Catalan derby. They could have minutes against Benfica. They already train with the group, but Barça don't want them to suffer another relapse. #FCBlive pic.twitter.com/Pha295WV8O
— BarçaTimes (@BarcaTimes) November 18, 2021
Pedri nuk është paraqitur për Barcelonën që nga shtatori i këtij viti. Një dëmtim muskulor e ka detyruar mesfushorin 18-vjeçar të largohet nga pjesa më e madhe e sezonit deri më tani.
Një tjetër lojtar që pritet të mungojë në ndeshjen e radhës të Barcelonës është francezi Ousmane Dembele. Anësori 24-vjeçar ka bërë vetëm një paraqitje për Barcelonën këtë sezon dhe ka munguar për shkak të një dëmtimi në kofshë. /Telegrafi/