Xavi ndau një moment të bukur me ish-bashkëlojtarin e tij Rakitic gjatë ndeshjes Sevilla-Barcelona

Trajneri i Barcelonës, Xavi nuk pati natën më të mirë, pasi ekipi i tij humbi pikë kundër Sevillas, por ai ndau një moment dashurie me ish-shokun e skuadrës Ivan Rakitic.

Nuk ka qenë fillimi i përsosur i jetës së Xavit në Camp Nou, duke fituar vetëm dy nga shtatë ndeshjet e tij të para në krye të Barçës, para të martës mbrëma.

Ndeshja e tij e tetë ishte detyra më e vështirë në ligë deri më sot, duke u përballur në udhëtim me skuadrën që aktualisht është e dyta në La Liga.

Lexo po ashtu Xavi ndihet i kënaqur me barazimin ndaj Sevillas: Këtë lojë e duan njerëzit e Barcelonës

Edhe një herë skuadra nuk doli me tre pikët, duke barazuar 1-1 me skuadrën e Julen Lopeteguit, por Xavi të paktën pati një ribashkim të bukur me Rakiticin.

Ish-mesfushorët e Barçës u ribashkuan kur kroati u rrëzua pranë vijës së kontaktit dhe ai u ndihmua nga ish-shoku i tij i skuadrës, Xavi, dhe ata gjithashtu ndanë një përqafim të shpejtë dhe me buzëqeshje në fytyrë.

Dyshja ishin pjesë e mesfushës që fitoi Ligën e Kampionëve në vitin 2015 së bashku, megjithëse Xavi ishte një zëvendësues i vonshëm në fitoren ndaj Juventusit.

Rakitic vazhdoi të ishte një pjesë e rëndësishme e mesfushës së katalunasve deri në verën e vitit 2020, kur u lejua të kthehej te Sevilla për 1.5 milionë euro. /Telegrafi/