Fitorja e Barcelonës ndaj rivalëve katalanas, Girona, sot (e shtunë) pasdite ishte një fitore e vështirë. Mikpritësit ia vështirësuan jetën liderëve të La Ligës, por goli i fitores së Pedrit në paraqitjen e tij të 100-të për klubin mjaftoi për tre pikët.
Edhe pse Girona bëri mirë në kontrollin e tyre, Barcelona do të jetë e zhgënjyer me performancën e saj të përgjithshme, veçanërisht në sulm.
Trajneri Xavi Hernandez është i kënaqur me rezultatet, por ai insistoi se paraqitjet e ekipit të tij duhet të jenë më të mira përpara.
“Ne duhet të guxojmë të bëjmë më shumë gjëra në sulm. Kemi krijuar shumë raste nën presion të lartë, por nuk kemi qenë plotësisht të saktë në sulm. Duhet të jemi më të qetë në pjesën e kundërshtarit”, ka thënë fillimisht Xavi.
“Unë largohem i kënaqur me tre pikët, por duhet të përmirësohemi”.
Barça humbi Ousmane Dembele herët për shkak të lëndimit, dhe shenjat e hershme nuk janë premtuese për francezin. Xavi konfirmoi se bëhet fjalë për një dëmtim muskulor.
“Ka një lëndim. Dembele ka vënë re diçka, kështu që me siguri ka një lëndim. Ai ka vënë re një dëmtim në kuadriceps”, përfundoi trajneri i Barçës.
Barcelona do të jetë e etur për lajme të mira për yllin e tyre francez, veçanërisht me ndeshjen e parë të përballjes së Ligës së Evropës kundër Manchester United më pak se tre javë larg. /Telegrafi/