Telegrafi

Xabi Alonso jep mendimin e tij për dështimin e skuadrave spanjolle në Ligën e Kampionëve

Shkumbin Pireva

Bayer Leverkuseni ishte tashmë jashtë garës për fazën eliminatore kur u ndesh me Atletico Madridin të mërkurën mbrëma, por qëndroi i vendosur për të mohuar fitoren e Los Colchoneros.

Drama e vonshme e një penalltie të humbur do të thoshte që skuadra e Xabi Alonsos doli me barazim 2-2 kundër asaj të Diego Simeones.

Pas ndeshjes, Alonso foli për gazetën Marca duke thënë se ishte krenar për karakterin që ata treguan pas një fillimi të ndërlikuar të jetës në Leverkusen.

Një nga historitë e natës ishte fakti se vetëm një nga tre skuadrat spanjolle do të kalonte në raundin tjetër. Alonso u pyet për mendimin e tij për vështirësitë e La Ligës.

“Vlerësimi i gjërave bazuar në një sezon nuk është i drejtë, rritja e vendeve të tjera është shumë e rëndësishme dhe ndonjëherë ne fokusohemi shumë te Spanja, por jashtë vendit po i bëjnë gjërat shumë mirë. Ju shikoni skuadrat e tjera që luajmë çdo javë dhe ato janë në një nivel të shkëlqyer”.

“Cilësia e futbollit spanjoll është e padiskutueshme, shihet me admirim. Këtë vit, fakti që ka kaluar vetëm një nga katër do të thotë se diçka ka shkuar keq, por unë nuk do të hyj në të, më mjafton të vazhdoj punën time”, ka thënë Alonso.

Edhe pse rezultatet në Ligës së Evropës vazhdojnë të jenë të mira, skuadrat spanjolle padyshim kanë rënë në vitet e fundit në Ligën e Kampionëve.

Real Madridi është skuadra e vetme që ka konkurruar rregullisht kundër skuadrave më të mira në vitet e fundit dhe duket e drejtë ta quajmë atë një trend dhe jo vetëm një vit në këtë pikë. /Telegrafi/