Mesfushori i Zenitit, Axel Witsel, ka thënë se Juventusi bëri gjithçka që ta ofrojë në skuadër.
Ai ka treguar se nuk ka parakontratë me Juventusin, ndërsa e kishte parë vetën veshur me këtë fanellë.
“Është me të vërtetë e vështirë. Duhet të falënderoj Juventusin sepse ata provuan deri në fund për të më blerë”.
“Mëkat që Zenit refuzoi 25 milion euro, kur ata e dinin mirë se kam një vit kontratë. Jam i zhgënjyer sepse u dërgova në Torino për të bërë vizitat mjekësore, kalova testet dhe mendoja për aventurën time të re”.
“Këto janë gjëra që ndodhin në futboll, nuk mund të rri këtu dhe të ankohem, kjo është jeta. Fati im ishte të luaja te Juventusi, por këtë vit nuk mund të bësh asgjë, të shohim vitin e ardhshëm”.
“Akord për vitin e ardhshëm? Jo, akoma. Kam një kontratë për të respektuar dhe duhet të qëndroj i përqendruar, më pas kur kontrata ime të mbarojë do të shohim se cila do të jetë e ardhmja ime”, ka thënë Witsel. /Telegrafi/