Futbollisti i Chelseat, Willian thotë se është i pikëlluar me largimin e Oscarit.
Braziliani është transferuar tek klubi kinez, Shanghai SIPG pasi që lojtari nuk ishte në planet e trajnerit të “Bluve”, Antonio Contes.
Willian tha se Oscar është një mik i tij shumë i mirë, por ai është i lumtur që braziliani ndihet mirë në klubin e ri.
“Oscar është një mik shumë i mirë dhe unë jam shumë i pikëlluar që ai u largu, por unë ndihem mirë që ai është i lumtur në klubin e ri”, ka thënë Willian.
“Ai do të luajë në Kinë dhe unë vetëm dua t’i uroj fat atij”.
“Ne do të jemi në kontakt, kjo nuk ka rëndësi nëse ai është në Kinë dhe unë jam këtu”.
“Kur unë kam ardhur këtu, ai më ndihmoi shumë, kështu që unë dua ta falënderoj për çdo gjë që ai bëri për mua”, ka theksuar Willian.