Aktori hollivudian, Will Ferrell, theu tavolinën e prezantuesit të famshëm, James Corden, në transmetimin e tij të fundit të ‘The Late Late Show’.
Në programin e fundit të emisionit të famshëm, krahas komikut të famshëm, ishte i ftuar edhe këngëtari dhe aktori Harry Styles.
Edhe pse gjatë pjesëmarrjes së tyre ofruan histori interesante për ngjarjet aktuale në jetën e tyre, Ferrell padyshim që la gjurmë me detyrën që pasoi.
Will Ferrell breaks James Corden’s desk for the final episode of the #LateLateShow, airing tonight at 12:37am ET on CBS. pic.twitter.com/n46NCJDrfj
— Pop Crave (@PopCrave) April 28, 2023
Gjegjësisht, aktori solli një çekiç në emision për ta thyer tavolinën e prezantuesit. Ndërsa po e thyente atë, Corden dhe Styles e përcillnin në atë që po bënte. Kur mbaroi më në fund, tavolina ishte e papërdorshme dhe e copëtuar.
Arsyeja pse e bënë këtë është se ishte episodi i fundit i ‘The Late Late Show’, pasi drejtuesi vendosi t’i përkushtohej familjes pas tetë vitesh karrierë.
Corden ka thënë se dëshiron t’i përkushtohet më shumë gruas dhe fëmijëve, sepse ka punuar shumë në dekadën e fundit. /Telegrafi/
