Georginio Wijnaldum këmbëngul se mesfusha mjaft e ngjeshur e Liverpoolit është duke ndihmuar ekipin që të përmirësohet.
Jurgen Klopp ka në dispozicion lojtarë si James Milner, Jordan Henderson, Naby Keita dhe Fabinho.
Shpeshherë ai ka vendosur edhe Xherdan Shaqirin në një formacion më sulmues në mesfushë.
“Gjithmonë është mirë kur ke konkurrencë për pozitë sepse kjo do të thotë se duhet të performosh lartë”.
“Por, unë mendoj se duhet të jetë normale kjo në një ekip si Liverpooli sepse është top ekip, një prej më të mëdhenjve në Angli, kështu që Liverpooli do të nënshkruajë me lojtarë të mirë dhe kjo do të thotë se ai do të jetë gjithnjë në konkurrim me ekipin”.
“Kjo i bën lojtarët edhe më të mirë, jo sepse ke kundërshtar në pozitën tënde, por po ashtu sepse stërvitesh ndaj bashkëlojtarëve të mirë, e kjo të bën automatikisht lojtar më të mirë”, deklaroi Wijnaldum.
Liverpooli mposhti fundjavën e kaluar Manchester Unitedin falë dy golëshit të Xherdan Shaqirit dhe mbajti pozitën e parë në tabelë. /Telegrafi/