Georginio Wijnaldum pritet të largohet nga Paris Saint Germain vetëm pas një viti qëndrim në Parc de Princes.
Mesfushori holandez iu bashkua me shumë bujë parisienëve, por pa arritur të lë gjurmë në vitin e tij të parë me kampionët e Francës.
Wijnaldum nuk është në planet e klubit për edicionin e ri dhe drejtuesit parisienë po mendojnë largimin e skuadrës.
Sipas mediave franceze palët po diskutojnë për ndërprerjen me marrëveshje të kontratës dhe holandezi të mbetet një futbollist i lirë.
E ardhmja e holandezit pritet të jetë sërish në Angli, por kësaj radhe tek rivali lokal i Liverpoolit, Everton.
Trajneri Frank Lampard e pëlqen shumë holandezin dhe ka kërkuar nga drejtuesit e klubit ta bindin atë t’i bashkohet në Goodison Park për edicionin e ardhshëm.
Gjithsesi për lojtarin interesim ka shprehur edhe Newcastle United e Fulham në Angli, derisa ai pëlqehet edhe nga Ajaxi. /Telegrafi/