Arsene Wenger ka ripërsëritur faktin se është i kënaqur me angazhimin e Granit Xhakës.
Trajneri francez ka pohuar mesfushori shqiptar mund të sjellë një ekuilibër midis sulmit dhe në mbrojtjes.
“Unë jam shumë i kënaqur me angazhimin e Granitit. Mendoj se është zhvilluar mirë”, ka thënë Wenger.
“Ai nuk ka startuar në ndeshje që prej minutës së parë mjaftueshëm, por po adaptohet në një ligë tjetër. Besoj se i është përshtatur intensitetit të lojës tashmë”, tha francezi.
“Xhaka mund të sjellë një ekuilibër midis sulmit dhe mbrojtjes. Në përgjithësi jam i kënaqur me punën e tij dhe jam i bindur se do të luajë edhe më tepër”, përfundoi Wenger.
Arsenal sonte do të takohen në kuadër të xhiros së fundit të fazës grupore të Ligës së Kampionëve me Baselin, ndërsa për shqiptarin është një emocion i veçantë rikthimi në ‘St,Jakob Park’, pasi këtu ka filluar karrierën si futbollist. /Telegrafi/