Bosi i Arsenalit, Arsene Wenger, pret një mbështetje të madhe të tifozëve ndaj CSKA Moskës.
Arsenali ka parë shkallët e stadiumit të zbrazur teksa tifozët kanë shprehur paknaqësinë me sezonin e skuadrës që pritet të përfundojë pa kualifikim në Ligën e Kampionëve.
Fitimi i Europa League është mënyra e vetme për kualifikim të Ligës së Kampionëve dhe është menaxheri francez ai që beson se kjo do t’i rikthejë tifozët londinezë në shkallët e stadiumit.
“Jam gjithmonë i brengosur kur stadiumin nuk e kemi plotësisht të mbushur”.
“Por, nuk mendoj se kjo do të jetë problem për të enjtën. Brenga jonë është performanca dhe tifozët besoj do të jenë prapa nesh”.
“Mendoj se kur luhet për gjëra të rëndësishme, tifozët i kemi gjithnjë prapa”, potencoi Wenger.
Arsenali e pret CSKA-në të enjtën në ndeshjen që fillon nga ora 21:05. /Telegrafi/