Arsene Wenger ka folur pas fitores së vuajtur ndaj Prestonit.
Arsenali ka fituar në fund 2-1 ndaj Prestonit në ndeshjen e vlefshme për Kupën FA, fitorja kjo që nuk ishte e para për londinezët këtë sezon.
“Ne kemi fituar përsëri këtë sezon në minutat e fundit, por ne duhet të përgëzojmë Prestonin”, ka thënë fillimisht Wenger për BT Sport.
“Ata dhanë një lojë të ashpër, sidomos gjysma e parë ishte shumë e ashpër, ku e vetmja gjë pozitive ishte se ne ishim në disavantazh vetëm 1-0”, përcjell Telegrafi.
“Pjesa e dytë ishte një lojë krejtësisht tjetër, por ata u mbrojtën mirë, ata mund të ndjehen pak të pafat, sepse ata krijuan shumë raste në pjesën e parë”, përfundoi trajneri i Arsenalit. /Telegrafi/