Arsenali nuk arriti më shumë se një barazim 1-1 ndaj Southamptonit në Ligën Premier.
Por, trajneri i Topçinjve, më shumë se me paraqitjen e lojtarëve të tij është i nervozuar me kohën e humbur nga lojtarët kundërshtarë.
Tekniku francez kërkon që për këtë të bëhet një zgjidhje sa më shpejtë që është e mundur.
“Humbja e kohës është një problem në Angli dhe gjyqtarët ende nuk kanë gjetur një zgjidhje për këtë. Është një problem në dy sezonet e fundit”.
“Gjyqtarët duhet të reagojnë, ata kanë autoritetin dhe fuqinë”.
“E konsideroj Giroudin si një lojtar të rregullt. Duhet t’i jemi mirënjohës se është pjesë e jona. Një lojtar që futet në lojë dhe bën diferencën, është në formë të shkëlqyer. I talentuar”, ka thënë Wenger.
Një humbje e kohës ishte parë nga Southamponi edhe në javën e kaluar dhe si pasojë e kësaj Ryan Bertrand, ishte bërë sensacion në media. /Telegrafi/