Deputetët e Lëvizjes Vetëvendosje dhe Lidhjes Demokratike të Kosovës (LDK), kanë filluar mbledhjen e nënshkrimeve për seancë të jashtëzakonshme.
Në kërkesën të cilën e ka siguruar Telegrafi, shkruan se “Grupi Parlamentar i Lëvizjes Vetëvendosje dhe Grupi Parlamentar i Lidhjes Demokratike të Kosovës, në bazë të nenit 69 të paragrafit 4, të Kushtetutës së Republikës së Kosovës dhe nenit 38 të Rregullores së Kuvendit, kërkojnë nga Kryesia e Kuvendit të Republikës së Kosovës që të procedojë me çështjen në vijim:
Diskutimi mbi dokumentin e përgatitur nga Qeveria e Republikës së Kosovës, si “Draft marrëveshja gjithëpërfshirëse midis Republikës së Kosovës dhe Republikës së Serbisë”.
VV dhe LDK, kanë kërkuar që seanca e jashtëzakonshme të mbahet të mërkurën më 26 dhjetor 2018, duke e cilësuar si problematik dhe të dëmshëm këtë draft marrëveshje për shtetin e Kosovës.
Deri më tani siç mëson Telegrafi, VV dhe LDK kanë arritur t’i mbledhin 40 nënshkrime./Telegrafi/
