Kryetari i Lëvizjes Vetëvendosje Albin Kurti dhe kryetari i Grupit Parlamentar të Vetëvendosjes, Glauk Konjufca, takuan shefen e Zyres së BE-së në Kosovë, Natalyia Apostolova.
Sipas njoftimit nga Vetëvendosje, në këtë takim u diskutua për zhvillimet politike në institucionet e Kosovës, për gjendjen socio-ekonomike në vend dhe për sfidat e shtetndërtimit dhe integrimit.
Kurti dhe Konjufca shprehën qëndrimet e Vetëvendosjes për shtet të së drejtës dhe vizion ekonomik të përqendruar në punësim.
“Të dy palët u pajtuan për rëndësinë e reformave për integrimin e Kosovës në BE, gjë që do të rriste si rregullsinë dhe ligjëshmërinë, po ashtu edhe bashkëpunimin ekonomik e shoqëror”, thuhet në njoftimin e VV-së. /Telegrafi/