Shtatë persona janë lënduar në një aksident komunikacioni që ka ndodhur sot në Druar të Vushtrrisë.
Rastin e ka konfirmuar për Telegrafin Avni Zahiti, Zëdhënës i Policisë së Kosovës, Drejtoria Rajonale e Policisë në Mitrovicë.
“Një aksident trafiku me të lënduar është raportuar të ketë ndodhur sot rreth orës 14:00, aksidenti ka ndodhur në fshatin Druarë të Vushtrrisë”, ka thënë Zahiti për Telegrafin.
Sipas tij, në aksident janë përfshirë dy vetura civile.
“Si pasojë e këtij aksidenti lëndime kanë pësuar shtatë persona, të cilët kanë kërkuar tretman mjekësor në Spitalin e Vushtrrisë”, ka thënë Zahiti. /Telegrafi/