Dy oficerë policie të qytetit të New Yorkut u qëlluan me armë zjarri në një përleshje në Harlem të premten mbrëma – një prej tyre ndërroi jetë ndërsa i dyti është në gjendje të rëndë – disa ditë pasi një djalë 16-vjeçar dyshohet se plagosi një oficer tjetër në Bronx.
Një zëdhënës i NYPD-së konfirmoi se dy oficerë ishin qëlluar pranë West 135th Street në zonën e 32-të të NYPD.
Ata u dërguan me urgjencë në Spitalin e Harlemit dhe me gjithë indikacionet se të dy policët kishin vdekur, komisioneri i NYPD-së, Keechant Sewell tha gjatë një konference për shtyp se njëri kishte vdekur dhe tjetri po lufton për jetën.
Tonight, we mourn the loss of a hero officer — a son, husband, and friend. Only 22 years old, Police Officer Jason Rivera was murdered in the line of duty. We vow to #NeverForget Jason as his fellow Finest vow to honor his tremendous legacy of service & the ultimate sacrifice. pic.twitter.com/5zsx45XiM4
— NYPD NEWS (@NYPDnews) January 22, 2022
Oficeri i vrarë është identifikuar si Jason Rivera, 22 vjeç, i cili iu bashkua forcës në vitin 2020. Polici i plagosur është Wilbert Mora, 27 vjeçar, i cili ka katër vjet që punon në NYPD.
Në përgjithësi, rasti i së premtes ka dërguar numrin e të shtënave në drejtim të policëve në pesë gjatë vitit 2022.
Dhuna vjen pasi krimet e dhunshme, përkatësisht të shtënat dhe vrasjet, janë në rritje në shumë pjesë të vendit. Disa qytete – Chicago, New York, Los Angelos dhe Minneapoli kanë raportuar rritje të vrasjeve në vitin 2021. /Telegrafi/