Një person është vrarë sot në orët e paradites në fshatin Kijevë të komunës së Malishevës.
Rastin për Telegrafin e konfirmoi zëdhënësi i Policisë së Kosovës për rajonin e Gjakovës, Sheremet Elezaj.
“Sot rreth orës 09:50 është raportuar për një rast vrasje në fshatin Kijevë-Malishevë”, tha Elezaj.
Ai bëri të ditur se në vendin e ngjarjes menjëherë kanë dalë njësitet e nevojshme policore ku është gjetur një person mashkull, i moshës madhore pa shenja jete.
Sipas Elezajt, lidhur me këtë rast është arrestuar një i dyshuar.
Ndryshe, mësohet se vrasja ka ndodhur për shkak të një prone, ky dyshohet se nipi ka vrarë axhën e tij. /Telegrafi/