Policia e Kosovës ka njoftuar për një rast të vrasjes në tentativë në Prishtinë, ku një person është goditur me thikë.
Rasti ka ndodhur të enjten, në orën 02:40.
“Janë arrestuar katër të dyshuar meshkuj kosovarë pasi të njëjtit dyshohet se janë përfshirë në një rrahje me viktimën mashkull kosovar. Viktima është goditur me thikë dhe ka pësuar lëndime trupore, i njëjti është dërguar për tretman mjekësor në QKUK dhe pas marrjes së tretmanit të nevojshëm është liruar”, thuhet në raport.
Me vendim të prokurorit të dyshuarit janë dërguar në mbajtje. /Telegrafi/