Në orët e para të së martes një konflikt në lokalin “Kobra City” në Prizren rezultoi me një person të vrarë dhe një të plagosur.
Personi që mbeti i vrarë nga ky rast është Visar Cengu nga Kukësi.
Lidhur me ngjarjes tragjike ka folur axha i viktimës, Besim Cengu.
Ai tha se nipi i tij ishte qëlluar në makinë nga prapa.
“Nipi im është gjuajtur brenda veturës nga pas, sepse edhe predha ka qenë në shpinë dhe e ka kapur mushkërinë dhe një pjesë të zemrës dhe djali ka vdekur në vend”, tha Cengu në një prononcim për Klan Kosova.
Lidhur me rastin janë arrestuar gjashtë persona, në mesin e tyre si i dyshuar kryesor edhe pronari i lokalit, Dibran Hoxha.
Sipas Prokurorisë së Prizrenit, shkaktar i konfliktit, që përfundoi me vrasje, dyshohet të jetë një faturë prej 400 eurosh.
