Në çastet e para të pas fitores së Kombëtares së Shqipërisë, nga stadiumi në Lion të Francës, ekskluzivisht për programin muzikor të natës ‘Top Folk’ të Radio Dukagjinit, ka folur Kryetari i Federatës së Futbollit të Kosovës Fadil Vokrri.
Vokrri është shprehur optimist për rrugëtimin e kombëtares tonë, përderisa ka falënderuar djemtë e kombëtares për lojën, spektaklin dhe golin.
“Janë gjasat reale për të vazhduar. Një gol, tre pikë normale, vendi i tretë presim të na dërgojë në 1/8-tën e finales. Të presim matematikat e ditëve të ardhshme”-tha Vokrri.
Kreu i federatës së futbollit kosovar Fadil Vokrri, nëpërmjet Radio Dukagjinit nga Lioni i Francës ka uruar të gjithë shqiptarët për fitoren e madhe përderisa ka falënderuar djemtë e kombëtares për krejt çfarë treguan në këtë takim.
“Patëm lojë të bukur, spektakël dhe ç’është e rëndësishmja kësaj here edhe rezultat. Bravo Kombëtares.”, tha Vokrri.