Presidenti i Federatës së Fatbollit të Kosovës, Fadil Vokrri, ka thënë se Federata e Futbollit të Kosovës, i ka siguruar votat per pranim në UEFA më 3 maj, kur mbahet kongresi i jashtëzakonshëm në Budapest te Hungarisë.
“Kemi bërë lobim të mjaftueshëm dhe konsideroj si i kemi siguruar votat e mjaftueshme për pranim. Kemi raporte të shkëlqyeshme me federata më të mëdha në Evropë. Na duhen shumica e votave, dmth 28. Tri shtete që nuk e kanë njohur Kosovën do të votojnë për ne”, ka thënë njeriu i parë i futbollit kosovar, Fadil Vokrri gjatë emisionit ‘Interaktiv’ në KTV.
Tutje, Vokrri ka thënë se ka besim të plotë në përzgjedhësin e Përfaqësueses Albert Bunjaku.
“Ka patur zëra të ndryshëm reth trajnerit. Bunjaku është trajner ndërkombëtar dhe do ta drejtojë Kosovën në kualifikimet për Kampionatin Botëror. Mund të them se ka edhe trajnerë në Superligë që mund ta bëjnë një gjë të tillë”, deklaroi ndër të tjera Vokrri.