Vodhi telefonin e gazetarit derisa ky i fundit ishte ‘live’ – hajduti tregon fytyrën para mijëra njerëzve

Një burrë në Egjipt u arrestua pasi dyshohet se vodhi telefonin e një gazetari duke ia marrë nga duart gjatë një transmetimi të drejtpërdrejtë.

Sipas The Guardian, përcjell Telegrafi, Mahmoud Ragheb, një reporter për faqen e lajmeve Youm7, po filmonte drejtpërdrejtë nga rrugët e Kajros pasojat e një tërmeti, kur një burrë me motoçikletë kaloi me shpejtësi dhe ia mori telefonin.

Hajduti i dyshuar e transmetoi pa e ditur fytyrën e tij te mijëra shikues, derisa iku nga vendi i ngjarjes duke tymosur një cigare.

Më shumë se 20 mijë njerëz po shikonin transmetimin e drejtpërdrejtë në atë kohë, sipas shifrave të Facebook.

Shumë persona vendosën t’i bashkoheshin kërkimit për gjetjen e tij pasi kamera e telefonit ishte duke u rrotulluar dhe pamjet e incidentit qarkulluan gjerësisht në mediat sociale.

Zyrtarët nga Ministria e Brendshme thanë se ata përdoren “teknologji moderne” për të identifikuar të dyshuarin nga transmetimi i drejtpërdrejtë, raportoi Youm7. /Telegrafi/