Analistët e interpretojnë ndryshe fjalimin e mbrëmshëm të liderit të OBRM-PDUKM-së, Nikolla Gruevski, në ditëlindjen e Unionit të forcave rinore të kësaj partie, transmeton Telegrafi Maqedoni.
Në këtë manifestin, Gruevski tha se ka strategji për dalje nga kriza, por kjo nuk është e lehtë dhe pa pengesa, obstruksione, kriza, tërheqje personale dhe viktima, dorëheqje, etj.
Profesor Jordan Shishovski që është pjesë e ”Revolucionit Laraman” thotë për Tv Telma se fjalimi i Gruevskit duhet të shihet në kontekst edhe të fjalimit të kryetarit Gjorge Ivanov, por edhe të vetë Gruevskit, i cili në raste tjera, ka deklaruar se populli kërkon nga ai akcione më radikale.
Analisti Oliver Andonov, që është pjesë e LQMM-së, është i bindur se hapi i Gruevskit, nuk është i shkaktuar nga veprimet e opozitës, dhe se Gruevski nuk ka rënë në provokime të këtilla.
Ndryshe, Gruevski paralajmëroi zgjidhje të krizës politike në vend, përmes zgjedhjeve të parakohshme, brenda 4 deri 10 muajve të ardhshëm./Telegrafi/