Vladimir Putin nuk e duron poshtërimin – urdhëron arrestimin e pjesëmarrësve në varrimin e Navalnyt

Ende është herët të dihet sesa njerëz morën pjesë sot në funeralin e Alexei Navalny – por padyshim që është në mijëra.

Kishte një prani të madhe të policisë, të cilat zbatuan urdhrat e Kremlinit – arrestimin e njerëzve që morën pjesë në ceremoninë e varrimit të kritikut të Vladimir Putinit.

Lexo po ashtu Varroset kritiku i Putinit, Alexei Navalny - mijëra njerëz dolën në rrugë për t'i dhënë lamtumirën e fundit pavarësisht kërcënimeve të Kremlinit

“Jo luftës”, “Rusia pa Putin” dhe “Rusia do të jetë e lirë”, ishin disa prej thirrjeve të pranishmëve në varrimin e 74-vjeçarit, shkruan bbc.

Shumë prej tyre janë arrestuar në mënyrë rutinore thjesht sepse mbanin pankarta që mbanin këto slogane.

Lexo po ashtu Navalny për herë të fundit u pa i gjallë gjatë ditës së djeshme - shfaqen pamjet ku shihet duke buzëqeshur dhe u tallur me gjyqtarët

Kujtojmë se autoritetet ruse kanë paralajmëruar se janë të paligjshme tubimet për varrimin e ish-opozitarit rus.

Ndryshe, Navalny vdiq më 16 shkurt në një burg rus, ku po vuante disa dënime në saje të akuzave të sajuara. /Telegrafi/