Samsung Rumania po zhvillon një promovim që do t’u dhurojë 10 telefona Galaxy Z Flip5 njerëzve që do të regjistrohen paraprakisht midis 26 korrikut dhe 2 gushtit.
Natyrisht, ata postuan një PDF me termat dhe kushtet për këtë promovim, ku përfshihen edhe detajet e artikujve që jepen.
Por aty ka ndodhur “një lëshim”, përcjell Telegrafi.
Sipas atij dokumenti, Z Flip5 256GB ka një çmim prej 6,599 RON (rreth 1,335 euro).
Për krahasim, një Z Flip4 256 GB ishte 5,700 RON në lansimin vitin e kaluar (kështu që modeli i ri është 16% më shumë).
Siç edhe dihet, ka pasur disa rrjedhje të çmimeve edhe më parë – një nga Greqia, që kishte çmimin e modelit 128 GB me 1300 euro të ngjashme dhe një nga Franca, e cila tha se modeli 256 GB do të ishte 1200 euro (një rritje e vogël krahasuar me Z Flip4 256 GB vitin e kaluar në 1,170 euro).
Ky ndryshim çmimesh nga vende të ndryshme ndoshta mund të arsyetohet për faktin se vende të ndryshme të BE-së kanë TVSH të ndryshme. /Telegrafi/