Polemikat për anulimin e penalltisë së Julian Alvarez ndaj Real Madridit në Ligën e Kampionëve vazhdojnë të rriten.
Real Madridi eliminoi Atletico Madridin nga Liga e Kampionëve pas ekzekutimit të penalltive, pasi ndeshja e rregullt dhe vazhdimet përfunduan 1-0 dhe çuan në një rezultat të përgjithshëm 2-2.
Por, ndeshja e së mërkurës mbrëma në ‘Metropolitano’ nuk shkoi pa polemika.
Ishte penalltia e ekzekutuar nga sulmuesi Alvarez, e cila i ka bërë të gjithë të flasin pas anulimit që iu bë nga gjyqtarët pas rishikimit të VAR-it.
Arsyeja e anulimit të penalltisë u tha se është prekja e topit më të dyja këmbët nga ylli argjentinas i Atleticos.
Megjithatë, një video e publikuar në xhirim të ngadalësuar nga faqja Yariga, nuk vërehet Alvarez teksa e prek topin dy herë.
Kjo ka bërë tifozët e futbollit e në veçanti ata të Atleticos ta cilësojnë këtë si ‘vjedhje’.
Po ju shikues të nderuar, a mendoni se penalltia u anulua me të drejtë apo gjyqtarët dëmtuan Atleticon? Mendimin tuaj na tregoni në hapësirën për komente. /Telegrafi/