Disa persona ende të panjohur me forcë kanë hyrë në xhaminë e Medreses, ku nga kasaforta kishin vjedhur para të cilatë ishin grumbulluar për personat në nevojë.
Sipas raportit të Policisë së Kosovës, ngjarja ka ndodhur më datë 27-28 gusht në rrugën “Zija Shemsiu”, në Gjilan.
Siç thuhet në raport, në vendin e ngjarjes kanë dal njësitë policore.
“Është raportuar se gjatë natës persona ende të panjohur me përdorim force kishin hyrë në Xhaminë e Medresesë ku nga kasaforta kishin vjedhur paratë të cilat ishin grumbulluar për personat në nevojë. Në vendin e ngjarjes kanë dalë njësitë policore dhe janë duke hetuar rastin”, thuhet në raport. /Telegrafi