Kamerat e sigurisë kishin kapur momentin kur nga rimorkioja e kamionit del avull, brenda të cilit janë gjetur dhjetëra vietnamezë të ngufatur për vdekje si rezultat i temperaturës mbi 38 gradë celsius.
Këto pamje janë publikuar gjatë seancës dëgjimore ku shihet shoferi Maurice Robinson, 26-vjeç, duke iu afruar derës së pasme të kamionit të cilën më pas e hapë, transmeton Telegrafi.
Në pamje të ngadalësuara mund të shihet një lloj avull i duke dal nga trupat e pajetë – dhe nga kjo skenë ai menjëherë tërhiqet pas.
Robinson ishte ndaluar në Gray të Essexit, Angli, rreth orës 1 pas mesnatës gjatë 23 tetorit të vitit të kaluar. E pa kaluar 23 minuta, ai i kishte telefonuar policisë u pushtuar nga paniku.
Prokurori Bill Emlyn Jones, tha se Robinson i kishte bërë dy telefonata paraprakisht personit Ronan Hughes i cili e kishte udhëzuar që të mos i lejoj që të mos i nxjerrë jashtë.
Kujtojmë që vitin e kaluar opinioni britanik ishte shokuar kur u bë e ditur se brenda një kamioni ishin gjetur dhjetëra trupa të pajetë, që më vonë u konstatua se bëhej fjalë për shtetas të Vietnamit.
E ky rast kishte detyruar autoritetet të zgjerojnë pistën e hetimeve për të gjetur kryesit e kësaj vepre të shëmtuar.
Gjatë seancës dëgjimore janë publikuar edhe pamjet e reja, ku shihet avulli duke dalë nga rimorkioja që ishte e mbushur me trupa të pajetë që e kishin pësuar nga ngufatja. /Telegrafi/
