Rasti i parë i virusit vdekjeprurës tanimë të përhapur në Azi është zbuluar edhe në Shtetet e Bashkuara.
Qendra e SHBA-së për Kontrollin dhe Parandalimin e Sëmundjeve pritet të njoftojnë se virusi i ngjashëm me gripin është raportuar në shtetin Uashington, raportoi CNN, duke cituar një burim federal jashtë agjencisë të cilin e përshkroi si të përfshirë në këtë çështje, përcjell Telegrafi.
Sëmundja misterioze – e cila mund të transmetohet midis njerëzve – besohet të jetë shfaqur fillimisht në qytetin qendror kinez, Wuhan.
Numri i vdekjeve nga virusi u rrit në gjashtë të martën me numrin e rasteve të raportuara në rritje në më shumë se 300.
Katër raste u zbuluan në Tajlandë, Japoni dhe Korenë e Jugut, duke çuar në frikë për përhapjen e saj përmes udhëtimeve ndërkombëtare.
Deri më tani nuk është e qartë se si pacienti amerikan u infektua, nëse udhëtoi në Kinë ose e kanë transmetuar virusin tek dikush tjetër, sipas raportimeve. /Telegrafi/