Mbrojtësi i Liverpoolit, Virgil van Dijk ka shfrytëzuar rrjetet sociale për të dhënë një mesazh frymëzues pas triumfit në Ligën Premier.
Liverpooli më në fund fitoi trofeun e Ligës Premier, mbrëmjen e së mërkurës, pas 30 vjet pritjesh dhe vuajtjesh.
Realizimi i fitimit të këtij trofeu ishte një moment që kjo skuadër nuk do ta harrojë kurrë.
Ndërsa shumica e syve ishin te Jurgen Klopp dhe Jordan Henderson gjatë ngritjes së trofeut, një tjetër që meritoi të merrte trofeun në duar ishte Van Dijk.
Holandezi ka transformuar mbrojtjen e Reds që nga ardhja e tij në vitin 2018 dhe pas ngritjes së trofeut ka dhënë një mesazh frymëzues se ‘gjithçka është mundur’.
“Vetëm një fëmijë nga Breda është bërë një kampion i Ligës Premier League”, ka shkruar fillimisht Van Dijk në rrjetet sociale.
“Kjo është një ëndërr e realizuar, por edhe një mundësi për mua që të kujtoj çdo fëmijë në botë se çdo gjë është e mundur”.
“Punoni fortë palodhur dhe këmbëngulni! Mos lejoni që padituria, urrejtja ose negativiteti i askujt që t’ju ndaloj të bëheni më të mirët që mund të jeni!”.
“Faleminderit familjes time, tifozëve, shokëve të ekipit dhe gjithë stafit! Liverpool kjo është për ty”, ka mbyllur shkrimin holandezi. /Telegrafi/
— Virgil van Dijk (@VirgilvDijk) July 22, 2020