Vinicius Junior ka përdorur rrjetet sociale për të tallur Fermin Lopezin të Barcelonës pas fitores në El Clasico të së dielës.
Fermin e vuri Barcën në epërsi në pjesën e dytë dhe më pas imitoi festën e Jude Bellingham para tifozëve vendas.
Megjithatë, Los Blancos barazoi rezultatin në 2-2 me anë të Lucas Vazquez, kur kishin mbetur vetëm edhe 17 minuta nga koha e rregullt.
Jude Bellingham më pas shënoi golin e fitores në minutën e 90-të, për të fituar derbin me rezultat 3-2.
Anglezi do të bënte versionin e tij origjinal, për të kënaqur shumë ndjekësit e Real Madridit. Më pas, një fans u tall me Lopezin në rrjetet sociale.
Vinicius pa anën qesharake të kësaj teksa reagoi me një emoji duke qeshur ndaj pretendimeve se mesfushori 20-vjeçar i Barçës “mendonte se ishte Jude Bellingham”. /Telegrafi/
😂
— Vini Jr. (@vinijr) April 21, 2024