Mbrëmë janë zhvilluar dhjetë ndeshje në ligën më të fortë të basketbollit në botë, NBA.
Memphis Grizzles triumfoi kundër Toronto Raptors me rezultat 101:99 duke i shkaktuar humbjen e pestë rresht.
Vendasit drejt fitores i udhëhoqi Mark Gasol me 42 pikë, duke përfshirë edhe dy gjuajtje vendimtare të lira në 36 sekondat e mbetura, transmeton Telegrafi.
Gjatë takimit Vince Carter pati një paraqitje fantastike duke kulmuar me një shënim të bukur duke u rrotulluar 360 shkallë.
Ndërkohë, basketbollisti 40-vjeçar ka përfunduar takimin me shtatë pikë dhe tre asistime dhe po aq kërcime. /Telegrafi/