Aktori i famshëm i serisë së filmit “Fast & Furious”, Vin Diesel, në trailerin e filmit më të ri “The Last Witch Hunter” shkon në luftë kundër shtrigave.
Regjisori i këtij filmi, Michael Breckenridge Eisner apo shkurt “Breck Eisner”, e ka caktuar në rolin kryesor aktorin Diesel (me emrin Kaulder) si gjahtar i shtrigave dhe i mallkuar me pavdekësi.
Ai është thirrur që të ndihmojë në mbrojtjen e Nju – Jorkut, pas një komploti për ringjalljen e një mbretëreshe shtrigë të fuqishme, transmeton Koha.net.
Po ashtu në këtë film aksion super natyral luan edhe aktorja Rose Leslie, aktori Elijah Wood dhe Michael Caine.
Filmi “The Last Witch Hunter” do të lansohet më 23 tetor në Shtetet e Bashkuara.
