Instituti Hidrometeorologjik i Kosovës ka bërë të ditur se gjatë vikendit mbi vendin tonë do të mbajë mot i vranët dhe me intervale të shkurta me diell.
“Vranësirat gjatë ditës do të shoqërohen me reshje të dobëta shiu, kryesisht ditën e diele. Temperaturat do të shënojnë ngritje të lehta , minimalet nga -3 deri -1 gradë Celsius, ndërsa maksimalet e ditës parashihet të lëvizin nga 3-6 gradë Celsius.
Shtypja atmosferike do të shënoj rritje të vlerave mbi normalen. Do të fryjë erë nga veriperëndimi dhe juglindja e lehtë deri mesatare”, thuhet në njoftim.
Javën tjetër parashihet të ketë ngritje të theksuar të temperaturave në të dy vlerat ekstremale. /Telegrafi/