Ish-sulmuesi i Juventusit, Christian Vieri, ka thurë lavde për nënshkrimin e ri të Zonjës së Vjetër, Cristiano Ronaldo.
Italiani nuk e kupton kritikën e ngritur në Ronaldon për shkak të moshës së tij.
Sipas Vierit kritikat ndaj tij nuk vlejnë pasi është numri një dhe ka ende nuhatje për të shënuar shumë gola.
“Ai ka ardhur në Itali në moshën 33-vjeçare dhe disa janë duke thënë se ai është i vjetër dhe nuk do të shënojë të njëjtin numër golash si në stinorin e fundit, por Juve e ka në skuadër numrin një”, ka thënë fillimisht Vieri për DAZN.
Futbollisti 45-vjeçar, i cili luajti edhe për Interin e Atletico Madridit gjatë karrierës së tij, sheh ngjashmëri midis ‘CR7’ dhe legjendës braziliane Ronaldo Nazario.
Kjo pasi sipas tij të dy futbollistët mund të vendosnin vetë një lojë duke shënuar shumë gola.
“‘El Fenomeno’ [Ronaldo Nazario] ishte vdekjeprurës gjatë kohës së tij te Interi, ai shënonte çdo të diel”.
“Cristiano Ronaldo është i njëjtë, ai ka shënuar më shumë se 600 gola, 50 në sezon… me këmbën e majtë, këmbën e djathtë, nuk ka rëndësi, ai është një makinë golash”, përfundoi ish-sulmuesi italian. /Telegrafi/