Një video është bërë virale në internet, në të cilën paraqitet një përplasje ndërmjet Lautaro Martinez dhe Theo Hernandez gjatë Derby della Madonnina.
Incidenti ndodhi kur mbrojtës i majtë i Milanit ishte duke dalë nga fusha pas përjashtimit me karton të kuq në përballjen ndaj Interit.
Ndërkohë, sulmuesi argjentinas ka shkuar drejt tij dhe raportohet se e ka pështyrë dhe e ka ofenduar francezin derisa po zbriste shkallët.
https://twitter.com/AC_MilanFR/status/1490483036323995648?ref_src=twsrc%5Etfw%7Ctwcamp%5Etweetembed%7Ctwterm%5E1490483036323995648%7Ctwgr%5E%7Ctwcon%5Es1_c10&ref_url=https%3A%2F%2Ffootball-italia.net%2Fvideo-lautaro-allegedly-spits-on-theo-hernandez-during-milan-derby%2F
Ky veprim nxiti kthimin e Hernandez që pastaj u shoqërua me skena të konfrontimit mes dy futbollistëve në derbin e të shtunës.
Vendimet e gjyqtarit sportiv të Serie A në lidhje me ndeshjet e fundjavës që lamë pas do të shpallen nesër (e martë), kur do të dimë se çfarë ka raportuar gjyqtari i sfidës.
Ndryshe, Milani fitoi me rezultat 2-1 në Derby della Madonnina për ta bërë më të ngushtë garën për titullin e Serie A. /Telegrafi/
