Artistja Rina Balaj ishte një prej emrave që performoi në koncertin “Time Capsule II” të reperit, Capital T i mbajtur disa ditë më parë në Prishtinë.
Por, para performances, reperja foli për emocionet e ngjitjes në skenën gjigante, në një intervistë për “Prive”.
Mes tjera, këngëtarja nga Istogu u pyet edhe për videon virale që u konsiderua si një ‘diss’ për ish-partnerin e saj, Sin Boy.
Ajo realizoi një video përkrah një djali teksa kërcente dhe bënte lëvizje të ngjashme me disa postime të fundit të Sin Boyt.
Dhe këtë Rina tha se e bëri pa ndonjë qëllim të keq, teksa gjithashtu deklaroi se është beqare dhe se nuk është rikthyer me ish-të dashurin.
“Nuk jemi bashkë, e kam thënë prej fillimit dhe vazhdoj ta them se unë dhe Sin Boy veç punojmë bashkë, nëse na shihni bashkë është sepse kemi punë”, tha Rina.
“Nuk e ka menduar për të keq, u bë shumë viral nuk e di pse, ishte për mbështetje”, u shpreh tutje ajo duke qeshur.
Ndryshe, pas një pazue të gjatë, autorja e “Fullerante” është rikthyer me performanca dhe koncerte të ndryshme.
Kënga e fundit e saj “Tornado” erdhi në bashkëpunim me reperen, Melinda Ademi. /Telegrafi/