Bota e futbollit spanjoll ka qenë duke diskutuar raportin ekskluziv të El Mundos në lidhje me kontratën e Lionel Messit te Barcelonën dhe Victor Font ka thënë fjalën e tij.
Kandidati për president të klubit katalunas beson se argjentinasi meriton 555,237,619 eurot në kontratën e tij.
“Messi ka fituar çdo euro të fundit që i është paguar nga Barcelona”, shkroi Font në Twitter.
“Ai nuk na ka shkatërruar. Përkundrazi, ai është lojtari më i mirë në histori dhe ne duam që ai të qëndrojë me ne përgjithmonë më shumë”.
“Messi është një aset i rëndësishëm, por nëse ai nuk është me ne, nuk është fundi i botës” ka shtuar Font për Onda Cero.
Ai, megjithatë, theksoi se Barcelona duhet të bëjë gjithçka që është e mundur për të binur Messin që të qëndrojë.
Font shpjegoi se pavarësisht nga ajo që fiton, gjendja e tmerrshme financiare e Barcelonës nuk i detyrohet atij.
” Messi gjeneron [atë që fiton] dhe më shumë”, deklaroi Font.
“Të nënkuptohet që Barcelona është shkatërruar [financiarisht] për shkak të Messit është një përfundim krejt i gabuar”.
Shifrat e zbuluara nga El Mundo tregojnë se kontrata më e fundit e Messit vlen 138 milionë euro në sezon midis pagesave fikse dhe bonuseve, me dy bonuse të ndara. Një, për rinovim, që arrin në 115,225,000 euro dhe një tjetër, një bonus besnikërie, prej 77,929,955 euro. /Telegrafi/