Një aksident trafiku ka ndodhur mbrëmjen e kësaj të marte në fshatin Ponoshec të Gjakovës, kur një veturë ka goditur dy policë.
Teksa një qytetar voziste në gjendje të dehur nga i njëjti ka goditur me veturë dy zyrtarë policorë, të cilët ishin në pikë kontrolli.
“Janë aksidentuar dy zyrtarë policorë të Policisë Kufitare. Sipas njësiteve të trafikut që po merren me menaxhimin e rastit, dy zyrtarët policor kanë qenë në pikë kontrolli në momentin e aksidentit, kur janë goditur nga një automjet drejtuesi i të cilit ishte nën ndikim të alkoolit”, ka thënë për Klan Kosova, drejtori i Policisë për Rajonin e Gjakovës, Lumni Graishta.
Ai gjithashtu bëri të ditur se policët kanë lëndime dhe janë dërguar për trajtim mjekësor në Spitalin e Gjakovës.
“Kanë lëndime që të dy dhe të njëjtit janë dërguar në spitalin rajonal në Gjakovë për tretman mjekësor”, deklaroi Graishta.