Një veturë është djegur para 7 muajsh dhe ende nuk është larguar nga parkingu i objektit të Qeverisë së Kosovës.
Vetura zyrtare që i përkiste Ministrisë së Mjedisit dhe Planifikimit Hapësinor është djegur më 26 gusht 2015, dhe që nga ajo kohë nuk është larguar nga ai vend, për shkak se mungon raporti i Policisë së Kosovës.
Nga Ministria e Mjedisit dhe Planifikimit Hapësinor, bëjnë të ditur për Tribuna Channel se Divizioni i Logjistikës ka kontaktuar me zyrtarin përgjegjës për siguri dhe se janë duke pritur që ta marrin raportin i cili do të japë më shume detaje lidhur me rastin.
Nga ana tjetër, Policia e Kosovës thotë se janë duke u marrë me hetimet në lidhje me këtë rast.
Ministria e Mjedisit nuk ka të drejtë ta largojë veturën pa pasur një raport nga policia.
Kështu, kjo veturë do të qëndrojë në oborrin e Qeverisë derisa Policia e Kosovës të dalë më një raport zyrtar rreth rastit./Tribuna Channel/
