Në njëzet vjetorin e rënies së Zahir Pajazitit, Hakif Zejnullahut e Edmond Hoxhës një delegacion i Vetëvendosjes bëri sot homazhe në nderim të veprës së tyre.
Anëtarë të kësaj lëvizje theksuan se kjo datë, ky flamur, dhe të gjithë heronjtë e kombit na e mundësojnë si krenarinë e dinjitetin, po ashtu edhe sigurinë e përparimin.
“Zahir Pajaziti është emri i drejtësisë popullore. Në njëzet vjetorin e rënies së Zahir Pajazitit, Hakif Zejnullahut e Edmond Hoxhës një delegacion i VETËVENDOSJE!-s bëri sot homazhe në nderim të veprës së tyre. Me aksionet e tyre çlirimtare iu dha një hov të fuqishëm edhe UÇK-së edhe besimit në popull për ekzistencën e UÇK-së. Duke e besuar populli UÇK-në, u rrit vetëbesimi i popullit. Kjo datë, ky flamur, dhe të gjithë heronjtë e kombit na e mundësojnë si krenarinë e dinjitetin, po ashtu edhe sigurinë e përparimin”, thuhet në komunikatën e VV-së. /Telegrafi/