Lëvizja Vetëvendosje, ka thënë se deputetët votuan për t’i zhvatur qytetarët për KEDS në emër të RTK-së.
Në një status në faqen zyrtarë në Facebook, LVV ka shkruar se 55 deputete të Qeverisë pra nga PDK, AAK, NISMA, PSD, votuan sot Projektligjin për transmetuesin publik (RTK) ku detyrohen qytetarët që të paguajnë në faturat e tyre të rrymës plus 2.5 euro, nga të cilat 50 cent për çdo faturë i fiton KEDS, pra rreth 2 milionë e 400 mijë euro të tjera do i falen KEDS dhe do i zhvaten qytetarëve.
Sipas Vetëvendosjes ky projektligj kaloi sot falë votës së deputetëve që deklarohen si opozitë por po votojnë rregullisht gjithçka të dëmshme për publikun e të nxitur nga deputetët e qeverisë.
LVV ka paralajmëruar se nëse ky projektligj mbërrin dhe leximin e dytë të votohet, do ta dërgojë atë në Gjykatë Kushtetuese.
Shkrimi i plotë:
55 deputetë votuan për t’i zhvatur qytetarët për KEDS në emër të RTK
55 deputete të Qeverisë pra nga PDK, AAK, NISMA, PSD etj, votuan sot Projektligjin për transmetuesin publik (RTK) ku detyrohen qytetarët që të paguajnë në faturat e tyre të rrymës plus 2.5 euro, nga të cilat 50 cent për çdo faturë i fiton KEDS, pra rreth 2 milionë e 400 mijë euro të tjera do i falen KEDS dhe do i zhvaten qytetarëve.
Neni 33
Parapagimi
1. Radiotelevizioni i Kosovës prej datës 01.01.2019, financohet përmes parapagimit të tarifës fikse mujore prej 2.50 (dy euro e pesëdhjetë cent) euro në faturat e energjisë elektrike, të cilat inkasohen nga operatori përgjegjës për inkasimin e energjisë elektrike në Kosovë apo ndonjë institucion tjetër dhe depozitohen në llogarinë e vetme zyrtare të RTK-së, e hapur në pajtim me rregullat e Kontrollit dhe Menaxhimit Financiar.
Projektligji në fjalë përmban edhe shumë probleme e defekte të tjera të cilat do ta thellojnë krizën e rëndë në të cilën gjendet RTK për shkak të menanxhmentit abuziv dhe praktika korruptive.
Ky projektligj kaloi sot falë votës së deputetëve që deklarohen si opozitë por po votojnë rregullisht gjithçka të dëmshme për publikun e të nxitur nga deputetët e qeverisë.
Lëvizja VETËVENDOSJE! ka paralajmëruar disa herë që nuk do ta lejojë grabitjen e qytetarëve të Kosovës për interesave private e klienteliste. Radio Televizioni Publik është një nga institucionet bazë të shtetit tonë, atë e kanë kapur e njëjta klikë që ka kapur dhe shtetin tonë. Ky votim e bëri dhe më të qartë.
Nëse ky projektligj mbërrin dhe leximin e dytë të votohet, Grupi parlamentar i Lëvizjes VETËVENDOSJE! do ta dërgojë atë në Gjykatë Kushtetuese./Telegrafi/
