Një veteran i ushtrisë së Shteteve të Bashkuara i cili është paralizuar nga beli poshtë u ngrit për të ngritur flamurin amerikan mes ditëlindjes së 245 të vendit më 4 korrik.
Sipas mediave të huaja, përcjell Telegrafi, momenti u regjistrua në New Orleans, Louisiana, ndërsa Buddy Laddin u paraqit në ngjarjen e Flamurit të organizuar në Qendrën Mjekësore të Veteranëve të New Orleans.
Gjatë ngjarjes së këtij viti, veterani i paralizuar u shoqërua nga policia drejt te shtiza e flamurit.
Pas kësaj, para një turme vëzhguesish patriotë dhe një orkestre, Laddin u ngrit nga karroca e tij me ndihmën e një Indego Therapy Exoskeleton.
Pajisja është teknologji robotike e cila ndihmon ata me një dëmtim të palcës kurrizore të rikuperojnë aftësinë e tyre për t’u ngritur dhe për të ecur.
Në maj, Laddin kishte thënë se disa vjet më parë ai theu disa kocka dhe “palca e tij kurrizore” i shpërtheu pasi ra 36 metra kur u shemb skela.
Në atë kohë, Laddin po punonte një punë ndërtimi.
Incidenti e vendosi atë në koma për dy javë dhe e la të paralizuar. /Telegrafi/