Përfaqësuesja e veteranëve të Kosovës ka udhëtuar sot (e premte) drejt Durrësit, ku do të luajë ndeshjen kundër Kombëtares së veteranëve të Shqipërisë.
Veteranët e Kosovës do të luajnë ndaj vëllezërve shqiptarë për nder të ditës së flamurit, 28 nëntorit.
Ekipi i veteranëve të Kosovës tashmë është nisur drejt Durrësit dhe pjesë e ekspeditës është edhe kryetari i FFK-së, Agim Ademi.
Kjo përballje e vëllezërve do të zhvillohet në kuadër të festimit të 28 nëntorit – Ditës së Flamurit, të dielën në orën 11:30.
Pjesë e ekipit të Kosovës janë emra legjendash si Muharrem Sahiti, Muhamet Dragusha, Isa Sadriu dhe Naser Prapashtica. /Telegrafi/