Cristiano Ronaldo ka shënuar shtatë gola në fazën e eliminimit direkt të Ligës së Kampionëve që nga transferimi te Juventusi.
Superylli portugez u transferua te Zonja e Vjetër në verën e vitit 2018, ndërsa që atëherë Bianconerët janë kualifikuar tri herë në 1/8 e finales (duke përfshirë edhe këtë edicion).
Që nga transferimi i 36-vjeçarit, Juve ka zhvilluar gjashtë ndeshje në fazat e eliminimit direkt, me nga dy ndeshje kundër Atletico Madridit, Ajaxit dhe Lyonit.
Het-triku i CR7 në Torino i ndihmoi kampionit italian ta përmbyste Atleticon në sezonin 2018/2019 duke u kualifikuar në çerekfinale.
Ai pastaj shënoi në të dyja ndeshjet ndaj Ajaxit, mirëpo në gjysmëfinale u kualifikua skuadra holandeze, me rezultat të përgjithshëm prej 3-2.
Në sezonin e kaluar, Juventusi u eliminua në 1/8 e finales nga Olympique Lyonnais, kur dy golat e Ronaldos në Allianz Stadium nuk mjaftuan që bardhezinjtë të kualifikoheshin në çerekfinale. /Telegrafi/