Elaine McDade nga Glasgow i Skocisë, ka mbetur e tmerruar kur gjeti një burrë të dehur, që flinte në divanin e dhomës së ditës.
Nëna 43-vjeçare, kishte qenë duke shikuar një emision televiziv me fëmijët në dhomën e gjumit, kur zbriti poshtë për një pije, transmeton Telegrafi.
Pasi dëgjoi një zhurmë, ajo hyri në dhomë dhe pa Thomas Airlie, që ishte shtrënguar nga të ftohtit, pasi po flinte pa ndonjë mbulesë.
Inxhinieri 26-vjeçar që e kishte tepruar me pijen, ishte për vizitë te prindërit, por e kishte ngatërruar shtëpinë e tyre dhe ka hyrë te fqinjët. Megjithëse në gjendje jo të mirë, ai i ka hequr këpucët dhe e ka marrë edhe një pije në frigorifer, para se të shtrihej për të fjetur.
“Ishte hera e parë, që nuk e mbylla derën e hyrjes me çelës. Mjaftoi që të gjeja një njëri të dehur në divan. U frikësova së tepërmi, pas isha vetëm me fëmijët”, ka shpjeguar McDade.
Në shkrimin e postuar në Facebook, ajo ka treguar se i telefonoi burrit që të kthehet sa më parë.
Pasi të ketë arritur, ata e zgjuan ngadalë dhe i ofruan ta dërgojnë te ndonjë qendër e afërt tregtare, por ai kërkoi që ta afronin te shtëpia e prindërve, para se të ketë kërkuar falje për ngatërresën. /Telegrafi/